Posts in Framførsla
Skíggi Eg
Skíggi Eg

Dance2Cello (NO)
Tríggir persónar sita saman, men eru ikki saman. Allir sita og hyggja í hvør sín skíggja og tosa ikki við hvønnannan. Friður fyllir rúmið. Eingin streymur er eftir hjá einum teirra, og skíggin sløknar. Hann keðir seg og byrjar í staðin at trumma við fingrunum og spæla sær við rútmum og sløgum. Knappliga hava allir tríggir slept skíggjanum. Eitt rútmiskt spæl er í gongd. Ein nærvera. Tónleikur, dansur og beatboxing skapar eitt samanspæl, har undran, avbjóðingar og spæl við áhoyrararnar kyknar. Hvussu fer hetta at enda?

Longd: 40 min.
Tíðarskeið: 3. - 7. mars 2025

Read More
Várið 2025, FramførslaAllan Dalsgarð0.-3. flokkur, 4.-7. flokkur, Tónlist
Music for a Moment (ÚTSETT TIL JANUAR 2026)
Music for a Moment (ÚTSETT TIL JANUAR 2026)

Duo Cortese Ruymbeek (BE/US)
Undirvísararnir fara í hesi spennandi verkætlanini at framføra og undirvísa børnunum í løgum og tekstum, ið eru skrivað til minnis um persónar og hendingar. Komið verður inn á bæði eldri og nýggjari fólkatónleik. Á verkstovuni fáa næmingarnir høvi at gera sítt egna lag, sangtekst ella sang til minnis um ein persón ella eina hending, ið teir meta, hevur virði at minnast.

Longd: 1 t framførsla 2 tímar verkstova
Tíðarskeið: 13. - 17. jan. 2025

Read More
Verkstova, Várið 2025, FramførslaAllan Dalsgarð4.-7. flokkur, 8.-10. flokkur, Tónlist, Fólkatónleikur
JAZZKRASSJ
JAZZKRASSJ

Torleik Mortensen, Hjørtur Pæturson Háberg, Dánjal á Neystabø og Lasse Jæger (FO/DK)
JAZZKRASSJ gevur børnum í øllum alduri kunnleika til djass. Eitt frásøgufólk og ein djass-trio fær rúmið at svinga, oyruni at frøast og tekur áhoyrararnar við á eina undurfulla ferð í djassinum. Málið er at finna útav, hvønn djass børnunum best dámar. Á ferðini koma vit so langt inn í djassheimin, at vit gerast pøst, í ørviti og púra “fordjassað”.

Longd: 40 minuttir
Tíðarskeið: 17. - 21. feb. 2025

Read More
Framførsla, Várið 2025Allan Dalsgarð0.-3. flokkur, 4.-7. flokkur, Tónlist
Hvør á kroppin á øðrum
Hvør á kroppin á øðrum

Dansivirkið RIVA (FO)
Hvør á kroppin á øðrum er ein trídansur, ein nærverandi og lurtandi koreografi við støðugum sambandi millum rørslur og dansarar. Verkið kann samanberast við eitt kropsligt kaleidoskop, har hvør rørsla hjá einstaka dansaranum er neyvt treytað av rørslunum hjá hinum. Her koma hugtakandi brigdi og søgur um millummenniskjaslig sambond til sjóndar í einum abstraktum úttrykki.

Longd: í alt 2 skúlatímar
Tíðarskeið: 3. - 7. mars 2025

Read More
Framførsla, Verkstova, Várið 2025Allan Dalsgarð4.-7. flokkur, 8.-10. flokkur, Dansur
Tónleikakuffertið
Tónleikakuffertið

Flytifólk (FO/DK/DE/GB)
Flytifólk tekur børnini við á eina tónleikarliga ferð til bæði verulig og ímyndað støð. Teir fýra tónleikararnir, eggja til forvitni og uppdagan, tá teir spæla tónar frá ymsum londum og mentanum. Teir kanna bæði glaðar og syrgiligar tónar á vegnum. Listafólkini bjóða børnunum at luttaka, við at velja úr hvørjum landi tey næst vilja hoyra tónleik. Einkla pallsmíðið og leikgripirnar til konsertina hevur navnframa listafólkið og pallsmíðurin Sámal Blak gjørt.

Longd: 40 minuttir
Tíðarskeið: 18. - 22. nov. 2024

Read More
Framførsla, Heystið 2024Allan Dalsgarð0.-3. flokkur, 4.-7. flokkur, Tónlist
Gandakallurin frá jørðhavinum
Gandakallurin frá jørðhavinum

Durita Dahl Andreassen, Marita Dalsgaard, Sámal Blak, Súni Joensen (FO)
Gandakallurin frá Jørðhavinum er eitt spennandi ævintýr um vald, ábyrgd og umhvørvisligar spurningar. Ein heimur á tremur við undrum, hugflogi, eymleika og umsorgan. Høvuðspersónurin Git, ein ungur gandakallur, setir ein dagin seg sjálvan og onnur í vanda, tá hann brúkar síni evni til at koma í samband við deyðsríkið. Vit fylgja Git á ferðini frá at verða ein erpin og stórlætin drongur, til at vera ein vísur og ábyrgdarfullur gandakallur.

Longd: 45 min.
Tíðarskeið: 7. - 11. apríl 2025

Read More
Framførsla, Várið 2025Allan Dalsgarð0.-3. flokkur, 4.-7. flokkur, 8.-10. flokkur, Sjónleikur
FLUXUS
FLUXUS

Ensemble Eiradís (FO/SE)
Ein makaleys konsert, sum ongantíð er eins. Børnini verða bjóðað til eina spennandi samvirkna konsert, sum innleiðir tey í fluxus og nýtónleik í einum serstøkum sniði, sum er tillagað børnum. Fluxus tónleikur er nýggjur eksperimentaltónleikur, har áhoyrararnir hava møguleika at royna og samskifta beinleiðis við tónleikin og tónleikararnar og harvið ávirka listarliga úttrykkið.

Longd: 35 min.
Tíðarskeið: 24.-28. feb. 2025

Read More
Framførsla, Várið 2025Allan DalsgarðTónlist, 0.-3. flokkur, 4.-7. flokkur, 8.-10. flokkur